Neis van de vrijwilligers van het Huus van de Taol in Aa en Hunze
Geplaatst door Jan Bos   
dinsdag 01 december 2020 19:35

Neie naomen veur Taolschulte en keurnoten

De benaomingen taolschulte en keurnoten vreugen aaid um naodere oetleg. 
Meer van dizze tied bint de naomen van Streektaolambassadeur en zien of heur streektaolvrijwilligers. Het Huus van de Taol vindt dat deur de neie benaomingen dudelker is wat de vrijwilligers veur taok hebt. Kiek veur meer infermaotie op de website het Huus van de Taol www.huusvandetaol.nl

 

Streektaolstried geet niet deur op 22 jannewaori 2021

Op 22 jannewaori zul de stried veur de tweede maol streden worden in mfc De Spil in Gasselternijveen. Jammer genog plag het C-virus oons nog aal en kuw dit niet deur laoten gaon.

Wij hoopt van harte dat op vrijdag 21 jannewaori 2022 de streektaolstried holden kan worden. Aw hier meer neis over hebt, laow weer van oons heuren.

 

Vacatures streektaolvrijwilligers 

Wij bint op zeuk naor een aantal vrijwilligers veur het Huus van de Taol in de gemeente Aa en Hunze. Bij veurkeur oet het veengebied, maor oet aandere delen van oonze gemeente bint ze netuurlijk ok heel arg welkom. Aj streektaolvrijwilliger biŽj met-helper an de activiteiten die der organiseerd wordt  saomen met de aandere vrijwilligers, under leiding van de Streektaolambassadeur. 

Kiek veur meer infermaotie op de website van VIP (Vrijwilligers informatie Punt) Aa en Hunze, vacatures organisaties.