Veurbereidings Tweeide Kerstdag
Geplaatst door Stefanie Fokkema   
zondag 18 december 2011 21:06

Zoas je veurige week int sportbladtie hebt kunnen lezen, hef het dörpshoes op tweeide kerstdag een kraompie in het natuurgebied het groote zaand tiedens de wandeling die daor organiseert wordt deur het Drents Landschap. Er hebt zich inmiddels drie manluu bereid verklaort um de kraom te bemannen. Het zul mooi wezen as der ok nog een paor vrouwluu bij kwamen (nog meer mannen is ok goed hor). Je kunt je nog altied eem aanmelden. Geern zölfs.

Zoas je in de kraant van zaoterdag hebt kunnen lezen start de wandeltocht bij het herinneringscentrum tussen 11.00 en 13.00 uur. Je bent dus gien hiele dag kwiet as je oes wilt helpen.

 Knieperties bakken - Vogelkraansen maoken

Verder wilt wij geern wat verdienen veur oes dörpshoes. Wij wilt knieperties gaon bakken um te verkopen en gaot ok vogelkraansen maoken veur de verkoop.

Dit wil wij gaon doen op dinsdagaovond 20 december .a.s. in oes dörpshoes. Wij hebt hierbij veul hulp neudig.

Vind je het gezellig um met oes met te bakken, of een krans te maoken, geef je dan even op bij Cipke Uri, tel.: 389478, Martijn Rozeboom, e-mail : Dit e-mailadres is beschermd tegen spambots. U heeft Javascript nodig om het te kunnen zien. of

Hillie Vrijs, tel.: 389360

Wij zölnt mooi vinden aj je eigen beslag maokt en je eigen knieperties iezer met nimt. Natuurlijk wordt de ingrediënten vergoed. Hebj gien iezer, geen probleem, wij hebt wel een paor over.

Maor bel oes en help oes met !!

Heb je dinsdagaovend gien tied, maor je wilt oes wel geern helpen, dan mug je ok wel knieperties veur oeze verkoop in je eigen hoes bakken. Wij komt ze geern bij je weghaolen. Laot het oes dan even weten.

 As er nog tenielspeulers of muziekanten under de broekstrekers bent, die graog wat wilt laoten zien/heuren op tweeide kerstdag, dan ben je meer dan welkom um ok bij oeze kraom te kommen um je talenten ten toon te spreiden.

Veurgaonde jaoren deeden er wel 1500 man met an de wandeltocht, je hebt dus wel bekieks. Kom, laot van jeu heuren, hoe meer zielen hoe meer vreugd !!