Klusdag dorpshoes De Eekhof
Geplaatst door Edwin Schuiling   
vrijdag 28 oktober 2011 12:20

Wat mucht wij bliede wezen dat der zoveul mensen bint die oes dorpshoes in de Broekstreeek op weerde weet te schatten.

Een paor van die Broekstrekers waren der veurige zaoterdag te helpen op de harftsklusdag. Want zeg nou zölf, die panelen alent in de grondvarf, zunder de mooie gedienties der veur, broene kringen in het witte plafon en een straotie wor as je de bienen zowat over breekt, dat mus toch neudig opknapt worden. Zo hebt we de hiele zaoterdag an de gang west en het risultaot is der naor. We hebt de boel mooi varft in bleek rode tinten die o zo prachtig kleurt bij de gedienen. Het plafonnegie weer strak wit, daor wil elk en ien wel under zitten. De loodslabbe op het lege dak weer op zien plek, bleft de malle harfstregen tenminste boeten. Ook bent der in de veurtuun heel wat planties en bollegies poot, zodat ankomm veurjaor de lente begunt bij ons dorpshoes.

Wij as bestuur hoopt dat andere Broekstrekers net zo bliede bent met de risultaoten as wij.

 

Wij wilt de vrijwilligers die metholpen hebt hiel hartelijk bedanken veur heur inzet !! en veur iederien geldt;

Volk, graog tot een ander maol !

Foto's klusdag:

klusdag dorpshu...
klusdag dorpshuis 2011 (1).JPG klusdag dorpshuis 2011 (1).JPG
002.JPG
002.JPG 002.JPG